Home malayalam മുൻ വനം വകുപ്പ് മന്ത്രി കെ പി വിശ്വനാഥൻ അന്തരിച്ചു

മുൻ വനം വകുപ്പ് മന്ത്രി കെ പി വിശ്വനാഥൻ അന്തരിച്ചു

0
മുൻ വനം വകുപ്പ് മന്ത്രി കെ പി വിശ്വനാഥൻ അന്തരിച്ചു

തൃശ്ശൂർ : മുൻ വനവകുപ്പ് മന്ത്രിയും മുതിർന്ന കോൺഗ്രസ് നേതാവുമായിരുന്ന കെ പി വിശ്വനാഥൻ (83) അന്തരിച്ചു.

ആറ് തവണ എംഎൽഎയായി നിയമസഭയിൽ എത്തി. രണ്ടുതവണ യുഡിഎഫ് സർക്കാരിൽ വനം വകുപ്പ് മന്ത്രിയായിരുന്നു.

തൃശ്ശൂർ ജില്ലയിലെ കുന്നംകുളത്ത് കല്ലായിലാണ് ഇദ്ദേഹത്തിന്റെ സ്വദേശം.
1940 ഏപ്രിൽ 22 പാങ്ങിന്റെയും പാറുക്കുട്ടിയുടെയും മകനായിട്ടായിരുന്നു ജനനം. തൃശ്ശൂർ കേരളവർമ്മ കോളേജിൽ നിന്നും ബിരുദം കരസ്ഥമാക്കി. അദ്ദേഹത്തിന്റെ രാഷ്ട്രീയ പ്രവേശനം കോൺഗ്രസ് മുഖേനയായിരുന്നു. കോൺഗ്രസ് തൃശ്ശൂർ ജില്ലാ പ്രസിഡന്റായി 1967 മുതൽ 70 വരെ പ്രവർത്തിച്ചു. ഇദ്ദേഹം ഡിസിസി ജനറൽ സെക്രട്ടറിയായി 1970 ൽ സ്ഥാനമേറ്റു. കെ പി സി സി അംഗമായി 1972 മുതൽ പ്രവർത്തിച്ചു.

ആദ്യതവണ 1970ൽ കുന്നംകുളത്ത് നിന്നും മത്സരിച്ചപ്പോൾ പരാജയപ്പെട്ടു. 1987 മുതൽ 2001 വരെയുള്ള കാലഘട്ടത്തിൽ കൊടകര മണ്ഡലത്തിൽ നിന്നും നിയമസഭയിലേക്ക് തിരഞ്ഞെടുക്കപ്പെട്ടു. കരുണാകരൻ മന്ത്രിസഭയിൽ ആദ്യമായി വനം മന്ത്രിയായി തിരഞ്ഞെടുക്കപ്പെട്ട ആളാണ് ഇദ്ദേഹം.

തൃശ്ശൂരിലെ സ്വകാര്യ ആശുപത്രിയിൽ വച്ചായിരുന്നു മുൻമന്ത്രി കെ പി വിശ്വനാഥന്റെ അന്ത്യം .

LEAVE A REPLY

Please enter your comment!
Please enter your name here